Orasaun Ruma Loro-Loron nian

ORASAUN RUMA LOR-LORON NIAN

Tamba sinal santa Krus Na’i Maromak hasai ami hosi buat aat hotu. Hodi Padre, hodi Filho, hodi Espiritu Santu nia naran. Amen.

Graças e louvores se deem a todo momento ao Santíssimo e Diviníssimo Sacramento.

Na’i, ha’u nia Maromak, ha’u fiar, ha’u adora, ha’u hein, ha’u hadomi Ita Boot. Ha’u husu perdua ba ema sira nebe la fiar, la adora, la hein, la hadomi Ita Boot.

ANGELUS (Tempu bai-bain)

Na’i Maromak nia Anju hodi Na’i Maromak nia lian ba Maria.

Nia ko'us dau-daun tamba Espiritu Santu nia grasa. Ave Maria.

Ha’u ne’e, Na’i Maromak nia atan deit.

Atu halo tuir duni Ita Boot nia lia.

Ave Maria.

Maromak Filho halo an ba mane.

Nia mai moris duni hamutuk ho ita.

Ave Maria.

Maromak nia Inan Santa, harohan mai ami ata.

Ami atu bele hetan Jesus Kristu nia rahun diak. 12

Orasaun: Na’i Maromak, ami ata husu ba Ita Boot atu haraik Ita Boot nia grasa mai ami nia klamar. Tuir Anju nia lia ami hatene lolos katak Ita Boot nia Oan halo An ba Mane duni. Tan nia terus to’o mate iha krus, ami harohan ba Ita Boot, halo ami ata moris fali atu ba iha lalehan. Ami husu ne’e tanba ami nia Na’i Jesus Kristu. Amen.

REGINA COELI (Tempu Pascoa)

Liurai Feto lalehan, Ita Boot neon kontente, aleluia!

       Tanba Oan Ita Boot kous, aleluia.

Moris fali nudar Nia uluk hateten, aleluia!

       Harohan Na’i Maromak mai ami, aleluia

Ou Virjem Maria, Ita Boot bele ona kontente teb-

       tebes, aleluia!

       Tanba ami na’i Na’i moris fali lolos, aleluia!

Orasaun: Na’i Maromak, Ita boot halo ema hot-hotu kontente tanba Ita Boot nia Oan, ami Na’i Jesus Kristu, moris fali duni; tan nia Inan Virjem Maria, halo ami hetan rahun diak nafatin iha lalehan. Ami husu ne’e tanba ami Na’i Jesus Kristu. Amen.

ORASAUN DADER NIAN

Ha’u nia Maromak, ha’u adora Ita boot, ha’u hadomi Ita Boot, ho ha’u nia laran tomak. Ha’u agradese Ita Boot tanba Ita Boot mak halo ha’u moris, halo ha’u sarani, halo ha’u deskansa iha kalan ida ne’e. Buat hot-hotu ha’u halo iha loron ne’e ha’u hasa’e ba Ita13

Boot, Na’i Maromak halo ha’u moris ohin ne’e hodi tuir deit Ita Boot nia hakarak, hodi buka deit Ita Boot nia gloria. Dada ha’u sai hosi sala no hosi buat aat hotu. Haraik Ita Boot nia grasa ho Ita Boot nia bensa mai ha’u, ba ha’u nia parente sira no ba ema hot-hotu. Amen.

AKTU DE FE ESPERANSA NO KARIDADE

Ha’u nia Maromak, ha’u fiar no hein metin Ita Boot, ha’u hadomi Ita Boot liu sasan hot-hotu no hadomi maun alin sira nudar ha’u an rasik tanba Ita Boot.

AKTU DE KONTRISAUN

Ha’u nia Maromak, ha’u hanoin ho laran moras sala hot-hotu ha’u halo ona kontra Ita Boot diak liu, nebe halo diak deit mai ha’u. Ha’u hasa’e lialos ba Ita Boot, hodi Ita Boot nia grasa, lakohi sala tan. Ha’u husu barak Ita Boot perdua ha’u, tanba Ita Boot laran diak ho tanba ha’u nia Na’i Jesus Kristu terus to’o mate tanba ha’u.

ORASAUN BA ANJU HEIN ITA

Na’i Maromak nia Anju Santu, hein didiak ha’u. Ukun ha’u nafatin, halo ha’u tuir diak deit tanba Na’i Maromak rasik mak entrega ha’u iha ita boot nia liman. Amen.    

ORASAUN BA SANTU PADRE

Ita harohan ba ita nia Amo Papa, Santu Padre Bento XVI

Na’i haraik isin diak ba nia, hametin no tahan nia. 14

Orasaun: Maromak sarani hotu nia Bibi atan no mata dalan; hateke ho laran diak ba ita atan, Amo Papa Bento XVI, nebe Ita Boot mak fihir nudar Ita Kreda nia Bibi atan. Haraik atu povu nebe nia ukun simu didiak nia liafuan no esemplu sira, atu nune’e, nia bele to’o moris rohan laek hamutuk ho bibi luhan tomak nebe Ita Boot hameno ba nia. Ami harohan ne’e hodi ami Na’i Jesus Kristu hamutuk ho Espiritu Santu. Amen.

ORASAUN ATU HUSU VOKASAUN

Jesus futar Fuan iha Eukaristia, Nailulik boot rohan laek: tanba Ita Boot nia domin laran luak, ami husu atu tulun familia sai santu; nune’e, hanesan viveiro diak ida, bele naburas vokasaun barak ba Ita nia Kreda. Haraik mos nailulik barak mai ami, nailulik sira nakonu ho Ita Boot nia Espiritu, manas ho Ita Boot nia Karidade atu buka deit Ita Boot nia reinu iha rai ne’e no Ita Boot nia gloria iha Lalehan.

Oh Jesus, Maksoin mundu nian.

Haraik santidade ba ita nia nailulik sira.

Oh Maria, Klero nia Liurai Feto.

Haraik nailulik barak no santu ba Ita nia Kreda.

SALVE LIURAI FETO

Salve Liurai Feto, Inan hanoin ami, ami nia rahun diak, ami nia esperansa, salve. Ami ata Eva nia oan des-terradu, hasa’e ami nia lia ba Ita Boot; hodi tanis ami husu deit Ita Boot tulun ami ata iha tanis fatin ne’e. Ne’e duni, ami nia Advogada, fila mai ami ata Ita Boot nia matan diak. Desterro ne’e hotu, hatudu mai15 ami ata Ita Boot nia Oan benditu Jesus. Ou clemente, ou piedosa, ou doce Virjem nafatin Maria!

Maromak nia Inan Santa, harohan mai ami ata.

Ami atu bele hetan Jesus Kristu nia rahun diak. Amen.

ORASAUN BA KLAMAR SIRA IHA PURGATORIU

Na’i Maromak, fo sira hetan rahun diak nafatin.

       Halo Ita Boot nia naroman leno sira nafatin.

Halo sira descansa ho paz.

       Amen.

ORASAUN KALAN NIAN

Ha’u nia Maromak, ha’u ata adora Ita Boot ho ha’u nia laran tomak. Ha’u agradese Ita Boot tanba Ita Boot halo ha’u, halo mos ha’u sai sarani, halo ha’u moris loron ida ne’e tan. Perdua sala hot-hotu ha’u ata halo ohin ne’e; ha’u halo diak ruma karik, ha’u hasa’e ba Ita Boot, hodi husu deit Ita Boot nia grasa. Ha’u ata ba toba, Ita Boot hare didiak ha’u. Keta husik ha’u monu ba tentasaun ruma. Na’i Maromak, haraik Ita Boot nia tulun no Ita Boot nia bensa mai ha’u, ba ha’u nia parente sira no ba ema hot-hotu. Amen. 16

ITA NAIN FETO NIA ROSARIO

Maromak , hiit-An mai tulun ami.

Na’i mai lalais soi ami.

Gloria ba Padre…

I.   MISTERIOS GOZOSOS

     (Sei reza iha segunda feira no Sabado)

Misterio 1: Ita sei hanoin katak Anju São Gabriel ba fo hatene ba Maria Santissima katak nia atu sai Maromak nia Inan.

     (Ami Aman, Ave Maria 10, Gloria)

Oh Maria , Inan sala laek.

Haraik tulun mai ami nebe husu Ita Boot nia tulun.

Oh Jesus haraik perdua ba ami salan.

Keta husik ami monu ba ahi infernu nian; lori klamar sira ba lalehan, liu-liu sira nebe ema haluha atu harohan ba.

Misterio 2: Ita sei hanoin katak Maria Santissima ba visita nia feto maluk Santa Isabel.

Misterio 3: Ita sei hanoin katak Ita Na’i Jesus Kristu moris iha bibi luhan ida, iha rai Belem.

Misterio 4: Ita sei hanoin katak Ita Nain Feto ba apresenta nia Oan Jesus iha uma kreda boot Jerusalem.

Misterio 5: Ita sei hanoin katak Jesus lakon horik loron tolu ona, ita Nain Feto hetan fali Nia iha Jerusalem. 17

II. MISTERIOS LUMINOSOS

     (Sei reza iha Quinta feira)    

Misterio 1: Ita sei hanoin katak João Baptista sarani Jesus iha mota Jordaun.

Misterio 2: Ita sei hanoin katak Jesus tuir festa kaben iha Kana.

Misterio 3: Ita sei hanoin katak Jesus la’o lemo rai haklaken Maromak nia Reinu.

Misterio 4: Ita sei hanoin katak Jesus nakfilak An iha foho Tabor

Misterio 5: Ita sei hanoin katak Jesus han ba dala ikus, hodi hari Eukaristia.

III. MISTERIOS DOLOROSOS

      (Sei reza iha terça no sexta feira)

Misterio 1: Ita sei hanoin katak Jesus neon sala, halo orasaun iha toos Oliveira nian.

Misterio 2: Ita sei hanoin katak ema Judeu sira futu Ita Na’i Jesus Kristu, baku nia isin, halo mesa kanek.

Misterio 3: Ita sei hanoin katak ema tau aitarak ba Jesus nia futar ulun.

Misterio 4: Ita sei hanoin katak Jesus lori nia krus, hodi ba to’o foho Kalvario.

Misterio 5: Ita sei hanoin katak ita Na’i Jesus Kristu hedi netik iha krus, terus to’o mate tanba ita. 18

IV. MISTERIOS GLORIOSOS

(Sei reza iha quarta feira no Domingo)

Misterio 1: Ita sei hanoin katak Jesus mate tiha, liu loron tolu nia moris hias.

Misterio 2: Ita sei hanoin katak Jesus sa’e rasik ba lalehan.

Misterio 3: Ita sei hanoin katak Espiritu Santu tun husi lalehan mai tan Maria Santissima no apostolu sira.

Misterio 4: Ita sei hanoin katak Na’i Maromak hasa’e ita Nain Feto ba lalehan.

Misterio 5: Ita sei hanoin katak Na’i Maromak haraik gloria boot ba Maria Santissima iha lalehan.

“Segundo a prática corrente, a segunda e a quinta-feira são dedicadas aos “mistérios da alegria”, a terça e a sexta-feira aos “mistérios da dor”, a quarta-feira, o sábado e o domingo aos “mistérios da glória”. Onde se podem inserir os “mistérios da luz”? Atendendo a que os mistérios gloriosos são propostos em dois dias seguidos –sábado e domingo – e que o sábado é tradicionalmente um dia de intenso carácter mariano, parece recomendável deslocar para ele a segunda meditação semanal dos mistérios gozosos, nos quais está mais acentuada a presença de Maria. E assim fica livre a quinta-feira precisamente para a meditação dos mistérios da luz.”

ROSARIUM VIRGINIS MARIAE DO SUMO PONTÍFICE JOÃO PAULO II, no. 3819

SANTA MISSA

Hahu   

                 (Hotu hamriik)

Amlulik:    Hodi Padre, hodi Filho, hodi Espiritu Santu nia naran.

Povu:        Amen.

Amlulik:    Na’i Jesus Kristu nia grasa, Maromak Padre nia domin, hamutuk ho Espiritu Santu, hela ho imi.

                 (Maromak hela ho imi.)

Povu:        Nia iha ami leet.

Hakribi sala

Amlulik:    Maun alin  sira,  molok ita hahu misteriu santu hirak ne’e, ita hakribi lai ita sala.

                 (Bele usa liafuan seluk).

                 Konfesa ita sala.

Povu:        Ha’u konfesa ba Maromak bele halo hot-hotu, no mos ba imi, maun alin sira; ha’u sala fila-fila, hodi hanoin, hodi hateten, hodi halo, hodi la tuir obrigasaun. Ha’u  beik sala, ha’u beik  sala, la diak liu. Ne’e duni, ha’u  husu ba Maria Virjem, ba anju no santu sira, no mos ba imi,  maun alin sira,  atu  harohan  ba Maromak tamba ha’u.1

Amlulik:    Maromak bele halo hot-hotu sadia ita, perdua ita sala, lori ita ba moris rohan laek.

Povu:        Amen.

Amlulik:    Na’i, sadia ami.    

Povu:        Na’i, sadia ami.

Amlulik:    Kristu, sadia ami.       

Povu:        Kristu, sadia ami.

Amlulik:    Na’i, sadia ami.          

Povu:        Na’i, sadia ami.

Knananuk hahi nian

                 (Gloria)

Amlulik:    Gloria  ba  Maromak  leten aas ba.

Povu:        Paz iha raiklaran ba ema sira  be Na’i  hadomi; Na’i Maromak, Liurai lalehan nian. Aman Maromak, bele hot-hotu, ami  hahi Ita Boot, ami hana’i Ita Boot, ami adora Ita Boot, ami hasa’e gloria ba Ita Boot. Ami agradese Ita Boot tan Ita Boot kmanek wain. Na’i klaran, Oan Mane mesak, Jesus Kristu. Na’i Maromak, Bibi Oan Maromak nian, Maromak nia Oan Mane. Ita be kasu mundu nia sala, sadia ami. Ita be kasu mundu nia sala, simu ami nia hamulak. Ita be hatodan An iha Aman nia kuana, sadia ami. Ita  mesak santu, Ita mesak Na’i. Ita mesak boot liu tomak, Jesus Kristu; hamutuk ho Espiritu Santu, iha  Aman Maromak nia gloria. Amen

Amlulik:    Ita harohan:… 2

                 Ami harohan ne’e, hodi Na’i Jesus Kristu  nia  naran, hamutuk ho Espiritu Santu.

Povu:        Amen.

Maromak futar lia

                 (Hotu  tur  hodi  rona  di-diak leitura sira)

Leitor:       (Iha leitura ida ka rua)

                 Lia hosi ...

                 Maromak futar lia.

Povu:        Na’i, ami agradese Ita.

Salmu Responsorial

                 (Liturgia husu atu usa duni salmu propriu hodi, bele karik, hananu nia, ka bele usa mos knananuk ida nebe iha sentidu hanesan salmu nian.)

Aklamasaun molok Evanjeliu

                 (Hotu hamriik)

Amlulik  eh  diakono:   Maromak hela ho imi.

Povu:        Nia iha ami leet.

Amlulik eh Diakono:    Na’i Jesus Kristu  nia  Evanjeliu nudar Saun... haktuir.

Povu:        Na’i, gloria ba Ita.

Amlulik eh  diakono:    (Evanjeliu hotu ona)  

                 Lia maksoin.

Povu:        Kristu, ami hahi Ita. 3

Haklaken fiar nian

                 (Credo)

Amlulik:    Ha’u fiar Maromak mesak  ida deit.

Povu:        Aman bele halo hot-hotu, halo ona lalehan ho rai, no buat hotu ema hare no mos la hare. Ha’u fiar Na’i ida deit, Jesus Kristu, Maromak Oan Mane mesak, moris  nanis  hosi  Aman molok tempu hahu; Maromak hosi Maromak, Naroman hosi Naroman, Maromak los hosi Maromak lolos; Aman hahoris, la halo Nia; ida deit ho Aman. Hodi Nia, buat hotu mosu. Tan ita ema, atu soi ita, Nia tun mai hosi lalehan. Hodi Espiritu Santu, Nia moris hahu An hosi Maria Virjem, halo An ba mane. Tan ita,  ema hedi Nia ba krus, iha Poncio Pilatos nia ukun;  Nia terus to’o mate, ema hakoi Nia. Liu loron tolu Nia moris hias tuir Eskritura. Sa’e ba lalehan, hatodan An iha Aman nia kuana. Nia sei fila ho kbiit wain atu halo justisa ba ema moris no ema mate. Nia ukun sei rohan laek. Ha’u fiar Espiritu Santu; Na’i be haraik moris, mai hosi Aman no Oan; ema hana’i hahi hamutuk ho Aman no Oan; Nia mak liu tun hosi profeta sira. Ha’u fiar Kreda ida mesak, santa, katolika, apostolika. Ha’u fiar baptismu ida deit atu kasu sala. Ha’u hein katak mate sira sei moris hias;  moris foun sei mosu mai. Amen. 4

Oração dos fieis

Hasa’e buat karan

                 (Ofertorio)

Amlulik:    Na’i, hot-hotu nia Maromak, kmanek wain ba Ita Boot tamba paun ami simu hosi Ita Boot laran luak, mai hosi rai, mai hosi ema kolen, ohin ami hasa’e ba Ita Boot, atu nakfila mai ami paun moris nian.

Povu:        Kmanek wain nafatin ba Maromak.

Amlulik:    Na’i, hot-hotu nia Maromak, kmanek wain ba Ita Boot tamba tua ami simu hosi Ita Boot nia laran luak, mai hosi uvas, mai hosi ema kolen, ohin ami hasa’e ba Ita Boot, atu nakfila mai ami tua maksoin.

Povu:        Kmanek wain nafatin ba Maromak.

Amlulik:    Maun alin sira, ita sei harohan atu Maromak bele hot-hotu simu ita nia sakrifisiu.

Povu:        Na’i simu ita nia sakrifisiu ne’e, atu hahi Nia naran, atu hetan diak mai ita no ba Santa Kreda tomak.

Amlulik:    (Hamulak atu hasa’e buat karan nian) ...    Ami  harohan ne’e, hodi Na’i Jesus Kristu nia naran, hamutuk ho Espiritu Santu.

Povu:        Amen.

Amlulik:    Maromak hela ho imi.

Povu:        Nia iha ami leet.

Amlulik:    Foti neon ba Maromak.

Povu:        Ami neon iha Maromak. 5

Amlulik:    Fo agradese ba Na’i Maromak.

Povu:        Ne’e ami knaar, ami maksoin.

ORASAUN EUKARISTIKA II

Amlulik:    Na’i, Aman Santu, hahi Ita nafatin, hahi Ita diak liu tan iha rai ikun, rai ulun, ne’e mak ami knaar duni, ami rahun diak tebes, hodi Jesus Kristu, Ita Oan. Nia, Ita nia Liafuan moris; hodi Nia Ita halo buat hot-hotu. Ita mak haruka Nia mai soi mundu. Hodi Espiritu Santu nia kbiit, Nia halo An ba Mane, moris hosi Maria Virjem. Atu halo tuir Ita nia hakarak, atu libur ba Ita povu santu ida, Nia terus to’o mate iha krus. Nune’e, halakon tiha mate nia ukun, nia hatudu mai ami moris hias nia kbiit. Tan ne’e, hamutuk ho anju no santu sira, ami hahi Ita Boot nia naran, hodi hananu (dehan)

Povu:        Santu, santu, santu, Na’i Maromak kbiit Na’in; lalehan ho rai haklaken Ita Boot nia gloria. Hosana leten aas ba. Diak tebes Ida be mai hodi Na’i nia naran. Hosana leten aas ba.

Amlulik:    Na’i, Ita santu tebes duni: Ita moris santu nia hun. Ne’e duni, halulik buat karan hirak ne’e, hamahan sira ho Ita Boot nia Espiritu, atu sira nakfila mai ami ba Na’i Jesus Kristu6 nia futar Isin no Ran. Iha oras nebe Nia saran An ba mate hodi Nia hakarak, Nia kaer paun, fo agradese, silu hodi fahe ba nia eskolante sira, dehan:

                

SIMU BA, HOT-HOTU HAN. NE’E HA’U NIA ISIN, SARAN BA MATE TAN IMI

                

Nune’e mos, han hotu tiha, Nia foti kalis, fo agradese, fo ba Nia eskolante sira dehan:

                

SIMU BA. HOT-HOTU HEMU: NE’E KALIS HA’U RAN NIAN, RAN ALIANSA FOUN NO ROHAN  LAEK, TAN IMI, TAN EMA TOMAK SEI NAKFAKAR ATU KASU SALA. HALO IDA NE’E HODI HANOIN HA’U.

Amlulik:    Misteriu fiar nian.

Povu:        (Hamriik no haklaken ho laran)

                 Na’i, ami fo hatene Ita nia mate ami  haklaken Ita moris hias. Na’i Jesus, hiit An mai.

Amlulik:    Na’i, oras ne’e, ami hanoin Ita Oan nia mate no moris hias. Ami hasa’e ba Ita Paun Moris no Tua Maksoin, basa Ita simu ami atu serbi Ita iha Ita Boot futar oin.

                 Ami haraik an, hodi harohan ba Ita, atu komunga tiha Kristu futar Isin no Ran, hodi  Espiritu  Santu  nia  tulun,  ami   bele libur hamutuk. Na’i, hanoin Ita nia Kreda namkari7 lemo rai. Halo nia  moris lolos tuir karidade, hamutuk ho Santu Padre ...., ami nia Bispo Dom…, no amlulik sira hotu.

                 (Hanoin mos Ita nia oan ... nebe Ita Boot bolu ona ba hamutuk ho Ita. Nudar nia mate ona ho Kristu, nune’e mos hamutuk ho Kristu, halo nia moris hias iha loron ikus.)

Hanoin mos maun alin sira nebe mate ona hodi hein ho fiar metin moris hias. Ami harohan mos ba sira hotu nebe liu ona ba mundu seluk. Simu sira hotu iha Ita Boot futar oin naroman. Na’i, sadia ami hotu.

                 Haraik tulun atu ami hetan moris rohan laek, hamutuk ho Virjem Maria, Maromak nia Inan, ho apostolu no sira hotu nebe moris nudar Ita belun, atu bele hananu, hodi hahi Ita naran, hodi Kristu, Ita nia Oan. Aman  Maromak  bele halo hot-hotu, hodi Kristu, ho Kristu, iha Kristu, ami hahi, hana’i nafatin Ita Boot hamutuk ho Espiritu Santu.

Povu:        (Hatan ho lia makaas, eh hananu) Amen.

AMI AMAN

Amlulik:    Ho laran metin, ita harohan ba Aman  Maromak, nudar Kristu hanorin:

Povu:        Ami Aman, iha lalehan, tulun ema atu hahi Ita naran, halo Ita nia reinu to’o mai ami: 8 haraik tulun ba ema atu tuir Ita  nia hakarak iha rai nudar iha lalehan. Ohin ne’e, haraik aihan lor-loron nian mai ami, haraik perdua mai ami sala nudar  ami  perdua ba ema halo aat ami. La bele husik ami monu ba tentasaun, maibe hasai ami hosi buat aat.

Amlulik:    Na’i, hasai ami hosi buat aat tomak, haraik dame lor-loron nian mai ami. Ho Ita Boot laran luak, tulun nafatin ami keta monu ba sala. Hadook ami hosi susar tomak atu hein ho laran ksolok Kristu Maksoin fila hikas iha loron ikus.

Povu:        Ita mak Liurai; Ita mak ukun; Ita mak diak tinan ba tinan.

Amlulik:    Na’i Jesus Kristu, nudar Ita katak ba apostolu sira: Ha’u dame hela ho imi,  Ha’u dame fo ba imi; keta hamatan mai ami sala, maibe hamatan deit ba Kreda nia fiar. Haraik ba Nia unidade no paz tuir Ita Boot hakarak. Ita be Maromak hamutuk Aman no Espiritu Santu. Amen.

Dame

Amlulik:    Na’i nia dame hela nafatin ho imi.

Povu:        Hela mos ho ita.

Amlulik:    Hadame malu ho Kristu nia paz.

Povu:        Amen. 9

Maromak nia Bibi Oan

Povu:        Maromak nia Bibi Oan be kasu mundu nia

                        sala, hanoin ami.

                 Maromak nia Bibi Oan be kasu mundu nia

                        sala, hanoin ami.

                 Maromak nia Bibi Oan be kasu mundu nia

                        sala, haraik dame mai ami.

Comunhão

Amlulik:    Rahun diak ba sira nebe Kristu bolu atu simu nia futar Isin. Maromak nia Bibi Oan nebe kasu mundu nia sala mak ne’e.

Povu:        Na’i, ha’u la soi Ita Boot hiit An mai ha’u laran, maibe Ita Boot liafuan ida deit to’o ona atu soi ha’u.

Amlulik:    Kristu futar Isin.

Povu:        Amen.

Harohan atu ramata

Amlulik:    Ita harohan...Ami harohan ne’e, hodi Na’i Jesus Kristu nia naran, hamutuk ho Espiritu Santu.

Povu:        Amen.

Benção

Amlulik:    Maromak hela ho imi.

Povu:        Nia iha ami leet. 10

Amlulik:    Maromak bele halo hot-hotu haraik bensa ba imi: Padre, Filho, ho Espiritu Santu.

Povu:        Amen.

Amlulik:    Missa hotu ona, Ita fahe malu namkari ho Kristu nia paz.

Povu:        Na’i, ami agradese Ita.

CARTA APOSTÓLICA DIES DOMINI DO SUMO PONTÍFICE JOÃO PAULO II  SOBRE A SANTIFICAÇÃO DO DOMINGO

Caríssimos Irmãos e Irmãs!